【娱乐人物】给我爱过的男孩们刘美君 – 香港苹果日报

【娱乐人物】给我爱过的男孩们刘美君 – 香港苹果日报


刘美君说:「我真系一个好钟意谈恋爱慨人!」婚,结过两次;恋爱,谈过无数场,最近的一位,是拍拖8年的混血儿男友Steve,也在2017年分手,她曾在网上吐心声:「两个人要挣扎来维持,倒不如分开,勉强无幸福。」

分手后的日子如何过? 54岁的刘美君说,她老友梁家辉说她「一世人都净系识拍拖」,这两年,刘美君没有拍拖,只享受dating的乐趣,反而不想再要一段关系,因为「当你一认定咗渠,渠就『拼pair』,一『拼pair』就冇咁紧张㗎喇!」

情场老手经验之谈的结论是:「个个都系咁慨,初头就鬼咁锡我,跟住就一路个个走下坡,但系我唔系吖嘛,我真系爱你十年,我十年之后都系咁鬼可爱㗎,但对方做唔到,我咪宁愿唔要啰!」

纯约会,进一步接触? No! 毕竟不是唱《午夜情》、《事前》、《事后》的年代了,刘美君的新歌叫《亲密距离》,暧暧昧昧,才好玩!
撰文:文嘉龙
摄影:梁志永

【娱乐人物】给我爱过的男孩们刘美君 - 香港苹果日报 -26ec1p3

一世人都净系识拍拖

被梁家辉成日笑她「一世人都净系识拍拖」,所以呢两年,刘美君一于「解咒」,真系冇拖拍。 「我上次都同渠(梁家辉)讲,我起码赢咗两年,我真系冇officially咁拍拖。」

刘美君说:「我谂我对爱慨睇法有少少唔同咗,因为我发觉我唔需要一个长期慨人喺身边。」现在好享受约会的乐趣,「我𠵱家好enjoy dating,我enjoy人哋约我,可能我同渠睇咗十次戏都得,或者嗰个同我食咗四、五次饭,我都唔觉难受喎,咁但系我系咪同紧一个人拍拖呢?咁又唔系,我只系好enjoy嗰个应约啰!」

甚至乎与混血前男友都一样继续dating。 「嗰种关系好难答你,其实系好暧昧慨。我同我男朋友(Steve)真系好close,我哋仲系朋友,譬如我返去美国,我哋一齐去滑雪,一齐去玩去行山,咁系咪拍拖呢?变咗我冇去define呢样嘢,𠵱家我唔去define呢样嘢,但我又唔系滥交呀吓,年纪大咗个感觉同个需要唔同咗。」

「大家食餐饭,如果你唔钟意嗰个人,你都唔会对住同渠食餐饭啦,但系咪拍拖呢?我又唔系日日对住渠,又唔系有乜嘢特别慨不寻常关系,永远都有一个距离喺度,𠵱家就系我最钟意嗰种感觉。」即系男友可以冇,兵唔怕多!

不如不爱

学懂收放自如,也是从无数恋爱过程中得到教训,「其实男人好多时候都系咁,当你一认定咗渠,渠就『拼pair』,一『拼pair』就冇咁紧张㗎喇,可能text你慨次数都冇咁多,同你睇戏食饭都少咗,咁你不如唔好要。」

刘美君说:「我都同Steve讲,你𠵱家衰啦,冇咗我就对我咁好喇!佢冇咗我反而对我好咗好多,渠sweet咗好多呀个人!因为拍咗8年拖之后,个人『放pair』㗎嘛,使乜咁紧张,反而分咗手呢,渠对我好细心喎,我哋仲约埋去滑雪又去玩!或者我之前咁多段relationship都系咁,8年、10年、11年,但系你哋个个都系咁慨,初头鬼咁锡我,跟住就一路个个走下坡。好多人都话感情个个都系咁,但系我唔系吖嘛,我真系爱你十年,我十年之后都系咁鬼可爱㗎,但对方做唔到,咁我咪宁愿唔要啰!」

【娱乐人物】给我爱过的男孩们刘美君 - 香港苹果日报 -26ec1p2

我唔想再出唱片

由情人升华变成亲人的感觉,对恋爱大过天的刘美君来说,完全接受唔到,「我真系一个好浪漫,真系一个好钟意谈恋爱慨人,我系一个好嗲慨人,我真系爱你十年都可以好爱你、好嗲、好温馨,我可以不停畀surprise你,好浪漫做好多嘢,但系当你发觉头三年渠都有份参与吓,但之后嗰五年都系得我自己做独脚戏,咁慢慢你就会觉得点解我要掉低咁多,我事业上仲有咁多好玩慨嘢未做,净系服侍一个人?」

【娱乐人物】给我爱过的男孩们刘美君 - 香港苹果日报 -26ec1p16

分散投资

分手后,旧爱反而对自己更加细心,刘美君的身边人都说,混血前度Steve是最大机会翻挞的一个。 「因为我身边好多人都好钟意渠,我哋两个其实好夹,无论从表面证供外形,又钟意做运动,真系差唔多满分㗎接近。真系要睇缘份啦(复合) ,渠𠵱家久唔久都会飞过嚟探我,因为佢好钟意Asia,佢好钟意嚟呢边食嘢,就算渠再追唔追我都好,我都会转一个方式,要转型呀,唔可以签死份约,你唔签死份约呢,啲人做part time勤力啲㗎,惊冇咗份工嘛!」

唔签长约,将自己当part time,对大家都轻松。 「只要我认定咗呢,我个人自不然就好似凑仔咁,我个人好紧张,变咗就有一个负担,因为有一个『男朋友』呢个字,𠵱家我呢啲唔负责任慨嘢,得闲食吓饭睇吓戏,好开心喎嗰种感觉,又唔使负责任,又唔俾大家去过线,变咗我可以继续好focus我慨工作,因为佢唔系一个fix咗慨男朋友,唔使要顾住渠。」

分散投资,唔使落重注,可能冇咁伤。 正如刘美君的事业,两年前决定由美国返港再「定居」,重新投入事业,没有拍拖的日子也够她忙,又《全民造星》导师,也为ViuTV自监自演《好人好姐》 ,新冲击令她好有满足感。 反而老本行,唱歌,刘美君说以后不会再出唱片了。

「我啱啱先同我老板讲,我唔想再出唱片,因为唱片十只歌,你最多plug三只,你𠵱家卖碟卖到一万只已经系好风光好威,个个走嚟恭喜你,自己真系多谢都唔好意思啦,一万张个个恭喜我咁样。令我最唔开心嗰样嘢系做宣传,好似你去电台宣传只碟,但系讲碟慨时间好少,有90%系讲咗第二啲嘢,因为根本冇人理到我只碟系点……咁我以后唔想再做大碟啰!」刘美君说。

86年已唱起自己填词的「Jay,一张醉脸傻痴痴」的《午夜情》,经历33年,乐坛同娱乐圈都变天。 「我唔系好知𠵱家个社会其实系点样,除咗做《全民造星》对住班细路,我先知原来系咁㗎,我对娱乐圈系点都唔系好知,我只知啲人成日话我,边使咁做㗎,唔使咁嘥心机喎,我就谂『乜𠵱家真系咁求其咩?』」

成日提住自己系阿嫲

打算不再出唱片的刘美君,歌,还是会唱的。 令她更雀跃,是首次为ViuTV自监自演《好人好姐》剧集,有《来生不做香港人》的导演班底,剧中刘美君做江若琳母亲,三代同堂做埋婆婆,现实中,刘美君亦是两个乖孙的嫲嫲,可说是最潮嫲嫲。

「其实原先我慨唱片公司有呢个忧虑,好似个吸引性会低咗,明明靓靓咁样,但系又成日提住自己系阿嫲,好似好唔好听,令人好turn off,但系我个人就系好任性,我坚信一样嘢就系,你个人系attractive就系attractive,唔会因为你话俾人知系阿嫲就唔attractive。有啲三十几岁慨男仔,唔系太知我个背景,我话俾佢知我几多岁,渠哋都会话:you are so hot!」

这个嫲嫲两年前决定由美国回港,幸好仔女们都好支持,现时每日都会和孙仔孙女FaceTime。 「啱啱识叫我做嫲嫲嗰时,我好开心。我𠵱家日日都同渠哋FaceTime㗎,因为我惊渠哋唔记得我吖嘛……我第一个孙,渠未开过罐,即系未食过baby food,渠食慨所有嘢全部都系我整,全部organic,食到三岁几,就系由我决定返嚟香港开始搞《千色》(演唱会),我同我啲仔呀女呀、我妈咪请晒假,话我要创一番事业,开始唔负责任喇,渠哋好支持!」

曾经抑郁

除了是最潮嫲嫲,刘美君又是娱乐圈的「美魔女」。 「生活要检点先啦,我又冇烟冇酒早睡早起,我食嘢又奄尖,拍戏我都系另外买嘢食,大陆拍戏我就系另外请厨师煮饭畀我,香港拍戏我系特登叫剧务去街市买餸,然后搵间酒楼蒸畀我,我系好紧张身体㗎!同埋mental health(精神健康)好紧要,唔开心食得几好都冇用,情绪唔好瞓得唔好就会好差。」

估唔到慨系呢位健康潮嫲,原来都有过抑郁症。 当年与首任丈夫黄泰来导演结婚,生下大仔之后,得了产后抑郁。 刘美君说:「我生完第一个BB有depression,医生话我听系产后抑郁,我老公(黄泰来)仲话我搵借口,想搵个借口搵人发吓脾气扭吓计咁样,我好明白当有屋企人唔体谅你慨时候系有几痛苦,𠵱家我就梗系讲就轻松,过晒嗰啲乌烟瘴气慨时间啦。我睇番啲相,我廿几岁嗰时,个样都几难睇㗎,虽然系青春,但真系残,当人有忧愁慨时候真系残啲慨。」

后记:由刘德华到沉震轩

睇刘美君的IG,出镜最多的除了各种高难度瑜伽甫士相之外,应该都是《好人好姐》各种近况分享。 剧中除了与江若琳演母女,更与沈震轩谈起姊弟恋。
现实世界比沉震轩大18年的刘美君说:「讲真畀你听,打从我十几岁女,追我慨男仔呢,唔知点解个个都呃到我,个个咁高大,其实个个都细过我,咁问题系乜嘢呢?就系因为我个样细个,好似Steve都系细过我慨,除咗我结婚嗰两个老公,我话要揾个老啲先得之外,拍拖嗰啲个个都细过我,九成都细过我,唔系我特登要去搵。」

7岁已经出道拍教育电视的刘美君,早在出唱片大红前已经跳上大银幕,1981年16岁拍港台剧《江湖再见》,同剧遇上刘德华,到83年邵氏开拍《毁灭号地车》,导演霍耀良点名刘美君演越南妹,与刘德华合演情侣。

当年的刘德华到今日的沉震轩,爱过无数萤幕男孩们的刘美君,点够渠玩?
场地提供:Harlan’s(The ONE)
发型:Gary Sun of Hair Corner Central
化妆:Hubei Har
服装:MOSCHINO

【娱乐人物】给我爱过的男孩们刘美君 - 香港苹果日报 -art_end

ELLELL独家报道,关注微信公众号:ellell_cc

隐藏内容仅限 付费会员 浏览!

下方二维码扫码付费20元后可注册浏览!


下方二维码付费20元查看更多隐藏内容! 微信
微信打赏 支付宝扫码打赏

如果文章对您有帮助,移至上方按钮打赏获取会员权限积分账号

海迪U美
微信打赏

如果文章对您有帮助,移至上方按钮打赏获取会员权限积分账号

海迪U美

说点什么

关注我们微信公众号:ellell_cc

模特经纪平台